Hoxe é Luns 20 de Setembro de 2021
History
Stations
NOTHING FOUND!

O concello solicita a ampliación da concesión das antigas casas dos mestres da Avenida Mendiño

RR_Noticias

Os proxectos para eses edificios foron moitos nos últimos tempos, dende destinalas a diferentes usos para dar cabida ás asociacións culturais e veciñais, crear vivendas sociais que se puideran alugar a xentes de escasos recursos ou ubicar nese espazo un viveiro de empresas, que é a última proposta na que está a traballar o goberno de Javier Bas.

Sexa cal sexa o uso que finalmente se lle dea, a titularidade dos terreos segue en mans de Costas por tratarse dun dominio público marítimo-terrestre. Uns terreos cedidos ao concello no ano 1969 por un período de 50 anos que remata no vindeiro 2019. Un feito que segundo explica o edil de interior, Arturo González “deixa nunha difícil situación a posibilidade de realizar calquera proxecto, motivo polo que é necesario solicitar unha ampliación da cesión”.
O obxectivo do goberno local é destinar o edificio a un Centro de Iniciativas Empresariais (CIE) en colaboración co consorcio de Zona Franca, unha iniciativa dirixida a que os emprendedores dispoñan dun local para iniciar o seu proxecto empresarial en Redondela.
A proposta de ampliar a cesión foi apoiada por todos os grupos, quen insistiron na necesidade de que se tramite definitivamente a desafectación de ditos terreos para que pase a titularidade municipal, un proceso iniciado no 2008 pero que segue pendente dos trámites administrativos.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *