Hoxe é Venres 22 de Xaneiro de 2021

Redondela recibe a “Finca da Ginaria” para a construción do novo colexio en Chapela

RR_Noticias

O Alcalde de Redondela, Javier Bas e o presidente de Audasa, Andres Montaner, asinaron onte a cesión a favor do concello de Redondela dos 34.000 metros cadrados do terreo denominado como finca da Ginaria. A firma prodúcese unha semana despois de que a Sociedade de Xestión de Activos Procedentes da Reestructuración Bancaria (Sareb) dese luz verde á venda de dita parcela. No solar, tamén coñecido como “polígono de autopistas” construirase o novo colexio de Chapela cuxo financiamento correrá a cargo de Audasa.

Esta cesión gratuíta era unha das principais reivindicacións municipais que o concello fixo a Fomento co obxecto de lograr así uns terreos nos que construír un novo centro educativo para substituír ao actual Colexio Igrexa afectado pola ampliación. A edificación do novo edificio correrá a cargo de Audasa. A concesionaria da autoestrada debería agora contruír o novo centro no prazo máximo de 24 meses.
O alcalde, Javier Bas amosaba a súa satisfacción logo da sinatura do convenio “hoxe a cesión dos terreos xa son unha realidade, Chapela dispón de 34.000 metros cadrados gratuítos de terreo para a construción do novo colexio que tamén correrá a cargo de Audasa e dun novo espazo de ocio para os Chapelanos”.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *