Hoxe é Sábado 5 de Decembro de 2020

Il Maquinario Teatro presenta Perplexo dentro do Outonoteatro

RR_Noticias

A premiada obra Perplexo da Compañía Il Maquinario Teatro chega este sábado a Redondela dentro da programación do Outonoteatro. Unha comedia de Marius von Mayenburg que se poderá ver ás 20:00 horas no Multiusos da Xunqueira. Prezo da entrada 5 euros (3 euros xubilados e estudantes).

Dende a súa estrea a obra está a obter o aplauso do público e da crítica como o demostra os 5 María Casares cos que este espectáculo foi galardoado na última edición destes premios: mellor espectáculo, dirección, iluminación, vestiario e mellor tradución/versión. Unha obra “cómica, surrealista e delirante” na que os seus personaxe intentan entender o mundo que lles rodea, un mundo que xa arranca de xeito sorprendente cando unha parella que regresa a casa despois das vacación atópanse con moitos cambios na súa vivenda e na súa propia vida. Unha peza interactiva na que o espectador terá que poñer da súa parte, en palabras do seu director Tito Asorey. Gags continuos, xiros sorpresivos de guión, transformacións de personaxes, humor surrealista e un ritmo incrible fan desta peza unha experiencia gratificante para o espectador, que se atopará ademais cunha proposta diferente en canto á escenografía e ás novas tecnoloxías tamén presentes sobre o escenario.  Segunda montaxe dunha compañía creada no 2012 que estreou a súa primeira obra “O home almofada” no mes no que se incrementou o IVE cultural. Un inicio difícil que compensan con moita ilusión e propostas arriscadas e atractivas que están a encher o patio de butacas. As entradas son a 5 euros na tarifa xeral, 3 euros a reducida para estudantes e xubilados e poden mercarse xa no Multiusos da Xunqueira. Tamén dúas horas antes do inicio do espectáculo.  

Tito Asorey director de Perplexo
Fálanos do argumento da obra
Novas tecnoloxías
Pasan a formar parte da escenografía
Unha aposta polo teatro
Tempos difíciles sobre todo logo do incremento do IVE cultural

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *