Hoxe é Mércores 21 de Outubro de 2020

A Xunta de Galicia dota a Redondela dun novo vehículo policial

RR_Noticias

O conselleiro de vicepresidencia Alfonso Rueda, visitou esta mañá Redondela para facer entrega ao Concello dun novo coche para a Policía Local. Trátase dun Citroen Cactus rotulado que os axentes utilizarán para patrullar ou realizar viaxes oficiais. O coche foi recibido polo alcalde de Redondela, Javier Bas, tras asinar un convenio de colaboración para a súa cesión.

O rexedor amosouse moi satisfeito con esta cesión, que mellora a mobilidade dos axentes redondeláns. Rueda destacou a importancia da colaboración e da cooperación entre Administracións, especialmente cando se trata de ofrecer un mellor servizo aos cidadáns en materias tan sensibles como as emerxencias ou a seguridade cidadá. Con este novo coche a policía redondelá conta xa cun total de 5 vehículos, co que segundo o concelleiro de Interior, Arturo González, as necesidades para a realización dos servizo quedan totalmente cubertas. A Xunta de Galicia fará entrega dun total de 50 vehículos en toda a Comunidade. Estas cesións forman parte dun programa de axudas da Vicepresidencia, cuxo obxectivo era adquirir vehículos e motocicletas a concellos de menos de 50.000 habitantes para os seus corpos de policía local.    

Alfonso Rueda conselleiro de Vicepresidencia
A Xunta está a colaborar en mellorar as dotacións das policías locais galegas.
Javier Bas alcalde
O alcalde amosouse satisfeito con esta cesión que permite mellorar a mobilidade dos axentes.
Arturo González concelleiro de Interior
O edil explica que con esta dotación xa son cinco os vehículos dos que dispón a Policía Local.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *