Hoxe é Venres 30 de Outubro de 2020

AER solicitará a Cultura que unha porcentaxe das contratacións sexa de artistas locais

RR_Noticias

A Agrupación de Electores entende prioritario que a programación cultural que se organiza dende o Concello dea cabida aos grupos que funcionan en Redondela nas súas diferentes vertentes: música, teatro, danza… Así llelo fixeron saber os representantes das formacións vencelladas ao mundo da arte que participaron nunha reunión convocada por AER e na que se abordaron diferentes cuestións relacionadas con este sector e que ao entender dos seu protagonistas deberían ser corrixidas de cara a promover as iniciativas culturais locais.

Entre as máis demandadas atópase a necesidade de crear un censo dos artistas existentes no municipio para a súa posterior difusión e promoción entre os organizadores de eventos “facilitando así que o patrimonio cultural local que representan estas agrupacións teña proxección fóra do concello”. Outra das demandas máis urxentes pasa por poñer en marcha “un escaparate permanente para os grupos locais máis alá dos convenios interparroquiais que serva para dar a coñecer as iniciativas de artistas que polas súas características non entran a formar parte de ditos convenios”. Estudouse tamén a posibilidade de poñer en marcha outras iniciativas como a programación permanente de actividades en locais de hostalaría ou a creación dun programa de “músicas minúsculas”. Con todo, un dos representantes de AER nesa reunión, Xosé Covelo recoñece que moitas das ideas que se puxeron sobre a mesa aínda hai que concretalas en xuntanzas posteriores.  

Xosé Covelo AER
Na reunión adoptáronse demandas concretas que se trasladarán ao pleno
Un escaparate permanente
Outros circuitos máis aló dos convenios interparroquiais
Iniciativas interesantes
Crear unha programación estable en locais de hostalaría

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *