Hoxe é Venres 24 de Setembro de 2021
History
Stations
NOTHING FOUND!

O BNG cualifica de “esperpento” que o PP se pregunte a si mesmo nos plenos

RR_Noticias

A decisión do goberno local de autopreguntarse no pleno do pasado xoves en torno ao servizo de emerxencias deixaba o salón de plenos semibaleiro, ao decidir PSOE e BNG ausentarse do Multiusos. Os nacionalistas explican a súa decisión argumentando que “a quenda de preguntas permite que os grupos da oposición poidan interpelar ao goberno e non é un mecanismo para que este se autopregunte”. Engade o edil Xoan Carlos González que o obxectivo do goberno local é meterlle medo aos grupos da oposición, para evitar as súas críticas sobre a acción de goberno.

Explica o voceiro do BNG que “a pantomima da pregunta presentada sobre o alarmismo dos grupos da oposición, por teren difundido información sobre a intervención dos servizos de urxencias, constitúe toda unha mostra do ridículo máis espantoso”. Para Xoán Carlos González “Javier Bas é consciente de que as sesións plenarias son un trámite que tén que sufrir cada mes. Teno asumido, e así actúa. Coñece o regulamento, e busca os recobecos para saír beneficiado. Abandonamos a sala para non darlle cobertura a esta nova estratexia do goberno municipal”.
Aposta finalmente por reconducir a “situación de deterioro constante que Javier Bas e os seus están a someter ao verdadeiro órgano de representación popular, como é o Pleno da Corporación. Somos os grupos da oposición os que debemos asumir esta responsabilidade”.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *