Hoxe é Domingo 28 de Febreiro de 2021

Normalización organiza actividades orientadas aos máis pequenos

RR_Noticias

Durante o mes de setembro vanse desenvolver, dentro do programa Apego, diferentes obradoiros orientados a bebés e nenos menores de dez anos organizadas co obxectivo de promover a dinamización lingüística nas idades máis temperás. Obradoiros de percusión con regugallos e obradoiros musicais centran esta oferta cultural na que cómpre facer inscrición antes do 8 de setembro, a través do correo electrónico normalizacion@redondela.es ou no teléfono 986 400 106.

Un obradoiro de percusión con refugallos o día 11 de setembro inaugura este ciclo de actividades do programa Apego. Este obradoiro ten como obxectivo concienciar as nenas e nenos da importancia da reciclaxe e da reutilización de distintos obxectos, e promover a súa expresividade a través da música. Desenvólvese dun xeito lúdico por medio dun vehículo particular, “a percusión”, e as participantes aprenderán a valorar o traballo en grupo, a solidariedade, o medio ambiente e a utilidade da lingua galega para as actividades de lecer.
Desenvolveranse tres obradoiros (ás 18.00, 19.00 e 20.00 h), cunha duración aproximada de 45 minutos cada un, e destinados a idades comprendidas entre os 3 e os 10 anos.
A seguinte cita correrá a cargo do músico e investigador Luís Prego quen impartirá o obradoiro Prende no colo, obradoiros didácticos para nais e pais con nenos e nenas de 0 a 3 anos, nos que se traballarán cantos de berce, xogos de dedos, recitados e cantigas.
A actividade é interactiva e admitirase unha persoa adulta por cada bebé participante. Desenvolverase o 20 de setembro ás seis da tarde no Multiusos de Redondela e o día 27 no Piñeiral do Crego en Chapela.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *