Hoxe é Domingo 6 de Decembro de 2020

González acusa ao PSOE de alarmar á cidadanía sobre a falta de resposta nas emerxencias

RR_Noticias

O incendio que se producía no céntrico monte Machaquito ou o escape de gas esta mesma mañá en Os Eidos, no que foi precisa a actuación dos bombeiros, puxo de manifesto novamente a falta de efectivos no Servizos de Extinción de Incendios de Redondela (SEIS) integrado actualmente por tan só tres traballadores. O PSOE asegura adherirse ao convenio  con Medio Rural co fin de protexer a nosa vila” e o BNG acusa ao goberno de “poñer en perigo aos veciños”. Os populares responden “o servizo non conta con máis efectivos porque a oposición négase a apoiar a creación dun Grupo de Emerxencias Supramunicipal (GES) en Redondela” asegura o edil de interior Arturo González.

O goberno local nega rotundamente as afirmacións do PSOE nas que aseguran que se tardou “máis de 25 minutos ata que chegaran os efectivos do 085 ao incendio que o pasado luns se producía no monte Machaquito” xa que segundo explica o edil de interior “dous traballadores do Servizo de Redondela estaban alí en cuestión de minutos”. Recoñece González que é preciso ampliar “dentro da legalidade o servizo” algo que ao seu entender “só se pode facer a través da colaboración coa Xunta xa que a lei impide ao concello incrementar o número de traballadores”. Neste sentido acusa a oposición e máis concretamente ao PSOE de “poñer paus na roda cando se intentan dar solucións a este problema por ter votado en contra de que Redondela se sumase ao convenio da Xunta para a creación dos GES”. Asegura González que “o PSOE actúa por intereses partidistas e votan en contra porque non lles interesa que o servizo se mellore durante o mandato do PP”. O responsable de interior traslada unha mensaxe de tranquilidade á cidadanía “o Servizo de emerxencias locais está perfectamente coordinado cos bombeiros de Vigo, o servizo comarcal e o servizo antiincendios da Xunta para garantir unha resposta rápida ante calquera situación que se poida producir”. Engade que están en conversas coa Xunta co obxectivo de “incorporarse ao GES a final de ano porque ese é o único xeito de ampliar o servizo”.  

Arturo González concelleiro de Interior
Recoñece a falta de efectivos pero responsabiliza da situación a oposición
Paus na roda
Acusa ao PSOE de non colaborar para resolver a situación
Protocolo de emerxencias
Mensaxe tranquilizador
Convenio coa Xunta
Traballar para incorporarse ao GES

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *