Hoxe é Sábado 28 de Novembro de 2020

Moción conxunta contra os recortes no novo hospital e en defensa da sanidade pública

RR_Noticias

Os grupos da oposición ás veces si son quen de poñerse de acordo. Así o demostra a moción conxunta que presentarán no pleno do xoves promovida pola Plataforma SOS Sanidade Pública e na que demandan entre outras cuestións que se dote o novo hospital con todos os servizos, incluído o laboratorio central, e que se garanta a súa xestión 100% pública. Outra das demandas recollida na moción pasa por establecer unha rede de transporte público que permita a todos os veciños acceder ao hospital así como que se apoie explicitamente a manifestación que se celebrará o 3 de setembro coincidindo co día de peche do Hospital Xeral.

O voceiro de SOS Sanidade Pública de Vigo, Manuel Moreira, explica que a posta en marcha do novo Hospital non serve para solucionar os problemas que padece a sanidade pública con carencia de camas e servizos. Así, salienta que das 1.465 camas proxectadas para este novo centro sanitario finalmente tan só contará con 845 “as que hai que engadir o peche de camas no Meixoeiro ou no Nicolás Peña”. Ademais privatízanse algúns dos seus servizos o que suporá precarizar moitos postos de traballo e dar un peor servizo á cidadanía. Unha situación que é resultado da xestión “público privada” elixida para o novo hospital, “un sistema que se está abandonado, segundo explica Moreira, noutro países e comuniddes autónomas nas que se puxo en marcha logo de demostrarse que non achega ningún beneficio, tampouco de carácter económico, e si merma a prestación do servizo”. Por ese motivo reclaman da Xunta que se recupere a xestión “100% pública”. Na moción tamén se insta ás autoridades competentes a que adopten medidas que permitan establecer unha rede de transporte público específico para o acceso aos hospital e reiteran a súa oposición a que usuarios e traballadores teñan que facer fronte a un parking de pago “sen teren articulado un sistema de transporte público alternativo ao uso do vehículo privado”. Finalmente pídese o apoio da corporación a manifestación que se vai celebrar o día 3 de setembro en Vigo, unha data simbólica por ser o día no que pechará o Hospital Xeral. Moreira fai unha petición pública á cidadanía para que esixa unha xestión integral da área sanitaria viguesa e un reforzo da atención primaria e acuda a manifestación do vindeiro 3 de setembro.  

Manuel Moreira SOS Sanidade Pública
Non existen argumentos para defender unha xestión dos centros sanitarios que non sexan 100% públicos
Transporte e parquing privado
Demandan unha rede de transporte pública
Mobilizacións
Convocan unha manifestación o 3 de setembro
Apoio cidadá
Cada vez atopan maior apoio entre os usuarios

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *