Hoxe é Martes 27 de Outubro de 2020

O mellor do triatlón dáse cita na II travesía a nado Son Simón

RR_Noticias

Os triatletas deberán superar unha distancia de 1.500 metros con saída na Praia da Punta o sábado ás 11:30 horas. Participarán máis de 200 deportistas entre os que figuran nomes salientables a nivel nacional e internacional como Fernando Alarza, Teresa Gómez, Joselyn Brea e Vicente Hernández.

A praia da Punta acolle este sábado a II edición da travesía a nado Son Simón organizada polo Club de Atletismo de Redondela (CAR), unha proba deportiva de 1.500 metros de natación ao redor da Illa de San Simón aberta tanto a nadadores federados como afeccionados. A saída da proba está prevista para as 11:30 horas e o número de inscritos por cuestión de organización e seguridade limítase a 200 persoas. Entre os participantes figuran nomes de relevancia do mundo do triatlón como o campión de España de triatlón Fernando Alarza, a triatleta venezolana Joselyn Brea, a alacantina Tamara Gómez ou o tinerfeño Vicente Hernández entre outros. Os nadadores deberán completar un circuíto que pasa por baixo da ponte que une as illas de San Simón e San Antón e, logo de rodear o arquipiélago, regresar á praia. A idade mínima para participar é de 16 anos tanto en categoría masculina como feminina e, seguindo o espírito do club, dos cinco euros que custa a inscrición, un doarase á Asociación Andaina.  

Paco Otero CAR
Unha proba que arrancaba o ano pasado
Grandes figuras do deporte
Un elenco importante de figuras

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *