Hoxe é Mércores 25 de Novembro de 2020

A Ruta das pedras remata a primeira xeira de sendeirismo por Redondela

RR_Noticias

A Concellaría de Medio Ambiente, en colaboración coa Concellaría de Cultura, continúa coa terceira das rutas de sendeirismo por Redondela programadas neste trimestre. A actividade, desenvolvida por Faia Educación Ambiental, realizarase o domingo 14 de xuño cun percorrido que terá o seu inicio e remate na Casa da Cultura de Ventosela. Para participar cómpre inscribirse, ata a véspera da actividade, a través do correo electrónico info@faia.gl ou do teléfono 686 99 87 06. O límite de persoas para cada grupo é de 50. A inscrición é de balde.

A ruta das pedras ten una lonxitude aproximada de 10 km, de dificultade baixa e con percorrido por parte da parroquia de Ventosela. As persoas participantes camiñarán por un percorrido, sinalizado xa hai anos pola Asociación de Veciños de Ventosela, a través de pistas forestais. O principal interese deste percorrido é litolóxico, dadas as singulares formacións rochosas presentes en todo o itinerario, e tamén paisaxístico.
O obxectivo fundamental desta proposta é o coñecemento, a visualización e estima da diversidade do territorio a partir do patrimonio natural e cultural. As rutas inclúen paradas curtas coas que se pretende informar sobre os ámbitos que cada zona nos ofrece, e inclúen o tratamento dos ecosistemas mareiros e boscosos, o coñecemento das especies vexetais que os conforman, o solo e a litoloxía ou o clima, no ámbito natural.
A parte social, cultural, histórica e económica abordarase a través do patrimonio inmaterial e material, onde salientarán a toponimia, o léxico singular e a arquitectura tradicional.
A ruta comezará ás 10.00 h e está recomendada para maiores de 10 anos. Aconséllase estar no punto de partida quince minutos antes, con roupa e calzado cómodo e axeitado. A hora aproximada de remate será ás 13.30 h.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *