Hoxe é Sábado 28 de Novembro de 2020

Quen gobernará Redondela?

RR_Noticias

Os resultados electorais do 24-M deixaron un panorama político inédito en Redondela, con cinco grupos na corporación e sen maioría absoluta de ningún. AER volve ser “chave de goberno”, como fora hai catro anos. Á espera do que decida a Agrupación de Electores, os veciños divídense entre os que pensan que deberían deixar gobernar á lista máis votada, do PP, e os que apostan porque apoie un goberno de esquerdas co PSOE, BNG e Poder.

Incerteza. Esa é a palabra que define a actual situación política en Redondela, e á que fan referencia moitos veciños. É o caso de María, que lembra que repite a situación de hai catro anos. O reparto de concelleiros mudou, pero a chave do goberno volve a tela AER.  A decisión final sobre se apoian ou non algunha candidatura tomarase en asemblea, segundo os seus dirixentes, e aínda é unha incógnita. A situación de “reparto de poder” na corporación redondelá (9 edís do PP, 6 de PSOE, 4 AER, 1 BNG e 1 Poder), é para algúns un resultado “xusto”, xa que pon de manifesto a vontade da cidadanía. E ademais moitos, como Luis, considérano positivo, xa que evita maiorías absolutas  e obriga aos diferentes partidos a negociar e buscar acordos “que serán mellores para Redondela”. No caso de que AER se absteña e non apoie ningunha candidatura, pasaría a gobernar a lista máis votada, neste caso o PP, tal como aconteceu nas eleccións de 2011. Moitos veciños entenden que sería o máis xusto. É o caso de Carmen, que defende “que goberne sempre  a lista máis votada”. Outros, como Manolo, confían en que AER adopte unha decisión “máis responsable” e chegue a un acordo co resto de partidos de esquerdas para conforman “un goberno progresista” en Redondela. A decisión final tena AER, e desde a formación avanzaron que non a farán pública polo de agora. O próximo sábado, 13 de xuño, é a data na que se constituirá a nova corporación. O futuro goberno local, polo de agora, é unha incógnita.  

María fala de incerteza
Malia os cambios para esta veciña a situación é a mesma que hai catro anos.
Luis fala dun reparto positivo
Entende que as maiorías absolutas non son boas e que deste xeito os partidos terán que negociar para chegar a acordos.
Carmen defende a lista máis votada
Para esta veciña a lista máis votada debería ser sempre a que goberne.
Manolo aposta por un goberno de esquerdas
Pídelle a AER máis responsabilidade e que se implique para crear un goberno de esquerdas en Redondela.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *