Hoxe é Mércores 28 de Outubro de 2020

A Confraría constata unha mortandade do 20% da ameixa no banco marisqueiro de Cesantes

RR_Noticias

A aparición dunha capa de lodo nas inmediacións do polémico muro realizado na praia de Cesantes preocupaba na confraría polas posibles repercusións que podería ter sobre os bancos marisqueiros.  Dous meses despois o patrón maior confirma que se constatou a perda duns 1.500 kilos de ameixa, “aproximadamente o 20% do total”. Ante esta situación xa presentaron un escrito no concello solicitando que se compense a Confraría por esta perda e que se adopten as medidas oportunas para evitar que se repita este feito.

O patrón maior, Clemente Bastos xa enviou un escrito ao concello solicitando que os responsables se fagan cargo da perda económica que supuxo esta mortandade para os traballadores do mar e reclamando que se acometan as medidas aportunas para recuperar o lugar. Explica Bastos que a capa de lodo que apareceu nas inmediacións do muro recentemente construído na praia de Cesantes foi a causante de que se perderan ao redor de 1.500 kilos de ameixa, un 20% do total. “As mariscadoras están agora a traballar para retirar canto ante a mercancía e evitar que morra todo o marisco” e continuarán os controis por parte da propia bióloga da confraría así como por técnicos da Xunta para ver a evolución de berberechos e ameixas. Bastos criticou dende o principio a obra feita no lugar e lembra que ademais do lodo provocou tamén que ese tramo de praia quedara convertido nun pedregal. Entende que agora terán que actuar os responsables municipais retirando a pedra e botando a area para recuperar o seu aspecto orixinal.  

Clemente Bastos patrón maior
Unha mortandade do 20%
Pedra e area
Entende que hai que actuar para devolver o areal ao seu estado orixinal

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *