Hoxe é Domingo 14 de Agosto de 2022
Stations
NOTHING FOUND!
Current listeners: 
Peak listeners: 

Tan só dez Maios festexarán a primavera

RR_Noticias

Dos máis de cincuenta participantes na década dos 80 e principios dos 90, tal e como se recolle no libro de Olimpio Giráldez “60 anos de crónicas redondelás” a tan só dez nesta edición. Unha diminución paulatina que fai que ano tras ano vaia baixando o número de participantes nesta celebración que terá lugar na mañá do vindeiro venres. Un descenso no número de inscritos que ten tamén o seu aspecto positivo: unha maior axilidade na celebración que o día 1 encherá as rúas de Redondela de música, flores e nenos que coa venda das coplas volverán pedir cartos aos transeúntes.

Redondela prepárase para vivir un ano máis a tradicional festa dos Maios que contará nesta ocasión cun total de 10 Maios participantes. Unha figuras vexetais que se poderán ver xa a partir das once da mañá na Alameda lugar no que permanecerán ata que se dean a coñecer aos premiados e cuxos integrantes subirán ao palco instalado na praza do concello para cantar e interpretar as súas coplas.
Os dez maios participantes disputaranse os premios de cada categoría dotados con 200, 150 e 100 euros para o primeiro, segundo e terceiro clasificado nas categorías de coplas e interpretación. Tamén haberá tres premios para as tres mellores composicións en artístico e en tradicional.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará