Hoxe é Luns 30 de Novembro de 2020

A Casa do avó de Tanxarina recibe o premio María Casares ao mellor espectáculo infantil

RR_Noticias

Os integrantes da compañía redondelá Tanxarina están de parabéns logo de recibir o seu último espectáculo o recoñecemento da profesión co premio María Casares ao mellor espectáculo infantil. Uns premios que se entregaban onte na Coruña e no que o espectáculo Complexo de II maquinario foi o gran vencedor logo de colleitar cinco premios.

Por primeira vez os Premios de Teatro María Casares incluían dentro do seu palmarés a categoría de mellor espectáculo infantil, un galardón que serviu para distinguir a última proposta ideada polos integrantes de Tanxarina Eduardo Rdguez. Cunha “Tatán”, Miguel Borines e Andrés Giraldez que apostaron nesta ocasión por lles falar aos nenos de temas reais, abordando concretamente a problemática dos desafiuzamentos. “A casa do avó” recolle unha serie de divertidas aventuras a través das cales lles achegan aos máis pequenos esta problemática nunha obra dirixida por Cándido Pazó Un neno recibe o aviso de que o seu avó vai ser desaloxado da súa casa embargada por un banco. O neno pon en marcha un plan para axudar aos seu avó e dispárase un mundo de pequenas e divertidas aventuras nun encontro entre o cómico e o poético. Outro xeito de falarlles aos máis novos da realidade e dos desafiuzamentos nunha obra orientada ao público familiar a partir dos seis anos e na que os membros de Tanxarina volven arriscar con novas técnicas cunha mestura de traballo actoral, corpóreos e siluetas movidas por fíos.  

Tatán Tanxarina
Falaba nos nosos micrófonos do espectáculo premiado

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *