O goberno local levará ao próximo pleno unha proposta de creación dunha comisión informativa especial para o estudo e seguimento de elaboración do Plan Xeral de Ordenación Urbana. Unha iniciativa que chega logo de que o pasado 29 de xaneiro se aprobase a adxudicación da redacción do PXOM ao estudio catalán Jornet Llop Pastor por un importes de 475.000 euros.
Javier Bas considera que para fixar as pautas correspondentes á elaboración e seguimento do plan é axeitado crear unha Comisión informativa especial para o seu seguimento. Unha iniciativa que pasou xa pola Comisión de Interior e que previsiblemente será aprobada no pleno ordinario correspondentes a este mes de febreiro. A comisión, na que estarán presentes todos os partidos político con representación municipal, estará presidida polo alcalde.
