Hoxe é Venres 23 de Outubro de 2020

Aurelio Krook: “A SAR está a demostrar que é un equipo unido e sólido”

RR_Noticias

A SAR Plastic Omnium está a superar todas as expectativas para esta temporada, cuns resultados que no club non podían nin soñar cando comezou a competición. Coa chegada do adestrador Carlos Rey o equipo deu un salto de calidade. Agora terán que asumir o reto de manter o nivel sen Polaco, que deixa o club por motivos laborais.

Será unha baixa importante para o equipo, como recoñece o presidente, Aurelio Krook, que tentarán suplir coa filosofía de sempre, “subindo a xente da canteira”, con xogadores do equipo que milita en Autonómica e que deberán coller experiencia na Primeira Nacional. A principio de temporada o club marcou como obxectivo a permanencia, pero esa meta quedou xa superada hai moitas xornadas. Os bos números da primeira volta sitúan ao conxunto redondelán entre os mellores da competición. E a segunda volta comezou aínda mellor. No último partido gañaron ao segundo clasificado, O Magope Seis do Nadal, nun partido de gran rivalidade disputado en Santa Mariña. Agora son cuartos, e non renuncian a nada. Pero para o presidente o mellor non son os resultados, senón a imaxe que ofrece a SAR como un equipo “sólido e unido”, no que os máis veteranos “axudan aos máis novos”, e cunha canteira que é o futuro do club. Agora pensan no seu próximo rival, o Luceros, ao que terán que medirse en Cangas. Unha pista “moi difícil”, como recoñece Krook, e un equipo que contará con varios xogadores da liga Asobal. A cita é o domingo, ás 12.30, no Pavillón Municipal O Gatañal.  

Aurelio Krook presidente da SAR
Para Krook o máis positivo do equipo é que está a dar a imaxe de bloque unido e sólido.
Suplir a baixa de Polaco
A ausencia do xogador por motivos laborais será compensada con xogadores da canteira.
Permanencia superada
Unha vez superado o obxectivo da permanencia o equipo non renuncia a nada.
Luceros-SAR Plastic Omnium
O domingo mídense en Cangas ao Luceros un rival difícil con xogadores de Asobal.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *