Hoxe é Mércores 28 de Outubro de 2020

O Redondela FS retoma o traballo co obxectivo de rematar a primeira volta na terceira praza

RR_Noticias

Remataron as vacacións de Nadal para os pupilos de Julio Mougán, que esta semana regresaron aos adestramentos para preparar o último partido desta primeira volta na Liga Galega Sur. Será o día 10 de xaneiro, en Redondela, diante do Verín Futsal. O técnico agarda recuperar algúns xogadores lesionados para ese encontro.

O parón destas festas serviu para dar descanso a un equipo que arrastra moitas lesións. De feito ao último encontro, que gañaron en Tui, viaxaron con só nove xogadores, dous deles tocados, e tiveron que minimizar esforzos para chegar en condicións aos minutos finais. A vitoria ante a Quinta de Tui por 3-4 serviu para sumar tres puntos importantes, pero tamén para dar moral aos xogadores neste remate de ano. Agora, logo de participar en varios torneos solidarios típicos destas datas, volve a competición oficial. Será na bomboneira ante o Verín Futsal, un rival que presenta tamén un xogo ofensivo e ao que por calidade lle correspondería un lugar máis alto na táboa.  

Julio Mougán adestrador do Redondela F.S.
O Redondela Fútbol Sala despide o ano na terceira praza da Liga Galega.
Redondela F.S.- Verín Fut Sal
Retoman a competición o 10 de xaneiro co Verín Fut Sal na bomboneira.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *