Hoxe é Luns 2 de Agosto de 2021

O Contrucciones Castro Chapela vence e a SAR deixa escapar un punto na bomboneira

RR_Noticias

Un partido con moitos altibaixos o vivido o sábado no pavillón de Chapela. Moitos afeccionados achegáronse ao campo para animar ao Construcciones Castro que lle brindou aos seus seareiros unha vitoria ante o Vitaldent Pontevedra. O Promens Cañiza púxollo difícil aos homes da Sar que só lograron un empate a 22 goles no partido disputado en Redondela.

Malia afrontar o partido coa baixa importantes de Paco López os de Chapela foron superiores no campo e fixéronse cos puntos en xogo logo de vencer por 30-23 aos rivais, os pontevedreses do Vitaldent. O Construcciones Castro sitúase na terceira praza da categoría e na vindeira semana desprázase ao campo dun rival máis feble, o Ártabro.
O Promens Cañiza púxollo difícil aos homes da Sar. Cun gol de Esteban a tan só trinta segundos do final logrou un empate en Redondela. Unha vitoria que se lle escapou á Sar Plastic Omnium xa que durante a maior parte do encontro foron por diante no marcador. O partido, disputado nun pavillón con boa entrada, rematou con empate a 22 goles. Os de Redondela son sétimos e xogan o próximo sábado no campo do Granitos, equipo que non logrou aínda ningún punto no que levamos de liga.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *