Hoxe é Venres 27 de Novembro de 2020

A Plataforma esíxelle á Xunta que aplique a sentenza e peche a planta de Aucosa en Rande

RR_Noticias

O presidente da Plataforma en defensa da enseada de San Simón, Antonio Lores cualifica de “despropósito” que a empresa Auxiliar Conservera SA (AUCOSA) pretenda incrementar a súa produción no lugar cando tanto o Tribunal Supremo como o Tribunal Superior de Xustiza de Galicia anulou a súa licencia ambiental. Anuncian que si no prazo de 15 días a Xunta non actúa e aplica a sentenza “solicitaremos a súa execución pola vía xudicial”.

A sentencia que anula a licencia ambiental para que esta empresa continúe traballando no litoral de Rande é firme e inapelable, polo que as súas instalacións deberían pechar ou trasladarse a outro lugar. Con todo, os seus propietarios veñen de solicitar un aumento do caudal da auga procedente de Cabanas con destino a usos industriais o que fai sospeitar que, lonxe de abandonar a súa actividade teñen previsto incrementala. “Un despropósito” en palabras de Antonio Lores, presidente da Plataforma en defensa da Enseada de San Simón, quen entende que a Xunta debería actuar de xeito inmediato e proceder a aplicar a setenza. Recentemente membros da Plataforma e do goberno local encabezados polo alcalde, Jaiver Bas, reuníronse con representantes da Consellería de Medio Ambiente para esixir que actúen “xa que as sentenzas están para cumprilas”. O BNG xa presentou unha alegación contra as pretensións de Aucosa de incrementar o seu caudal de auga e critican tamén que dende a Consellería se consinta “a presenza dunha empresa que emite diariamente uns olores altamente desagradables e que contamina a rúa cando xa está anulada de xeito inapelable a Autorización Ambiental Integrada”.  

Antonio Lores Plataforma en defensa da enseada
Mantiveron unha reunión coa xunta para esixir a aplicación da sentenza
Actuación inmediata
Enttenden que a Xunta non debe demorar máis a aplicación da sentenza
Execución vía xudicial
A solicitarán no prazo de 15 días se a Consellería non reacciona
Solicitude de AUCOSA
Un despropósito que queira aumentan o seu caudal de auga

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *