Hoxe é Luns 26 de Outubro de 2020

O PP recoñece a carencia de persoal nos Servizos Sociais

RR_Noticias

A edil Teresa París asegurou que en breve o oficina de servizos sociais de Chapela contará novamente cun traballador social para atender un servizo que leva dúas semanas sen este profesional debido a que a traballadora que atendía ao público atópase actualmente de baixa. Ante as críticas dos grupos de oposición, a concelleira recoñecía a falta de persoal en Servizos Socias debido a que “non se poden contratar máis traballadores porque a lexislación actual recolle que xa estamos cumprindo coa ratio que establece o número de persoal por habitantes”.

O pleno extraordinario no que se aprobaba a adxudicación do servizo de axuda no fogar á empresa Clece, derivou nun debate no que os grupos da oposición aproveitaron para recriminarlle ao goberno local a falta de persoal nos servizos sociais redondeláns. O partido socialista lembraba que a día de hoxe esta prestación “está baixo mínimos ao verse reducido o persoal por baixas e vacacións”. Dende as súas filas Digna Rivas insistía en que na parroquia de Chapela a espera para unha primeira cita (a de avaliación dos casos) supón tres meses de demora unha situación que se complicou aínda máis nas últimas semanas debido a que a traballadora que atendía o servizo se atopa actualmente de baixa. Deste xeito, “nos últimos quince días soamente está dispoñible unha traballadora social para os 30.000 habitantes do concello. Dende o BNG reclamaban tamén a necesidade de dotar de máis persoal os servizos sociais “unha labor que lle corresponde ao goberno local responsable de atopar fórmulas para a contratación de máis traballadores”. Ante sas críticas dos grupos de oposición, a concelleira responsable deste departamento Teresa París, recoñecía a falta de persoal “debido a que non se pode contratar máis traballadores porque a lexislación actual recolle que xa estamos cumprindo coa ratio que establece o número de persoal por habitantes”. Con todo, adiantaba que en breve a oficina de Chapela contará novamente cun traballador social para atender o servizo  

Teresa París Concelleria servizos sociais
Explica a imposibilidade de contratar máis persoas para atender os servizos sociais malia a súa encesidade
Digna Rivas PSOE
Os socialistas denuncian que a día de hoxe haxa so unha traballadora social para atender todo o concello
Xoan Carlos González BNG
Os nacionalistas solicitan fórmulas que permitan novas contratacións

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *