Hoxe é Venres 29 de Marzo de 2024
Stations
NOTHING FOUND!
Current listeners: 
Peak listeners: 

O Arealonga F.S. lidera a Liga Galega Norte logo da vitoria na pista do Pombo

RR_Noticias

Cun marcador de 4-5 os de Chapela fixéronse cos tres puntos no Pavillón Municipal do Barrio das Flores. Lideran en solitario o seu grupo e son o único equipo que conta os dous partidos de liga disputados como vitorias. O sábado recibirán en Chapela ao Husqvarna Ventorrillo.

Liga Galega Norte
A.J.Pombo 4-5 Arealonga F.S.
Nun encontro disputado en terras coruñesas e con moitos goles, os redondeláns fixéronse co partido. Un longo desprazamento no que non estiveron sós, senón que contaron co apoio dos seus afeccionados. Deste xeito o Arealonga F.S. é o único equipo do grupo que suma dúas vitorias nas dúas xornadas disputadas, logo de impoñerse ao C.D. Lodairo na estrea. Seis puntos que os levan ao máis alto da táboa. Con todo, no equipo queren ser prudentes e seguir “con humildade, paso a paso”. Agora xa preparan o próximo encontro, será en Chapela diante do Husqvarna Ventorrillo. O rival é un dos pechacancelas do grupo, xa que non ten ningún punto no seu casilleiro, aínda que leva un partido menos disputado.
 

Facebook
Twitter
LinkedIn
Pinterest
WhatsApp

Deixa unha resposta

O teu enderezo electrónico non se publicará