Hoxe é Venres 23 de Xullo de 2021

Os organizadores do Lixo Rock renuncian a súa celebración por falta de apoios

RR_Noticias

Esta Jam sessión na que adoitan participar agrupacións locais así como músicos que se soben ao escenario de xeito espontáneo estaba previsto que se celebrase na noite de hoxe, tal e como así se recolle na programación da Concellería de Cultura. Unha cita musical que finalmente non terá lugar logo de que os seus responsables renunciasen a súa organización por non contar con apoio “económico e material” por parte do Concello.

O Festival Lixo Rock foi durante anos unha das actividades enmarcadas dentro do programa do Arte Lixo. Malia todo chegaría a ter entidade propia e seguiu celebrándose incluso durante os anos nos que o ArteLixo non se convocou.
Un evento musical con case dúas décadas de historia aberto á participación de calquera persoa ou agrupación con intereses musicais, xa que os participantes o único que tiñan que facer era levar os instrumentos sendo a organización quen facilitaba os equipos de son e a batería. Estaba previsto que esta cita volvese hoxe congregar a estes músicos ás 22:00 horas no antigo campo da feira, pero os organizadores decidiron non convocar o evento por entender que a falta de apoio por parte do Concello “non garante a viabilidade da actividade”. Con todo non renuncian a retomar o Lixo Rock en vindeiras edicións.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *