Hoxe é Martes 27 de Outubro de 2020

Proxección do documental “Angrois no esquecemento”

RR_Noticias

Cando ven de cumprirse un ano da traxedia ferroviaria que conmocionou a toda Galicia o 24 de xullo do pasado ano, a formación Espazo Ecosocialista de Redondela proxecta este documental non que se fai un percorrido polo acontecido nesa xornada a través das experiencias das vítimas, persoal de emerxencia e veciños de Angrois. A proxección terá lugar o venres ás 21:00 horas na Casa da Cultura e a continuación intervirá o coordinador da Plataforma galega Salva o tren, Fernando Gómez e a súa protavoz Lucía Latorre.

O documental Angrois no equecemento, realizado polo Colectivo Audiovisual lentes Diverxentes, recolle declaracións de persoas que salvaron a vida malia viaxar nese tren Alvia que se saía da vía na xa tristemente coñecida curva de A grandeira, unha traxedia na que faleceron 80 persoas. Ademais das propias vítimas, participan profesionais dos servizos de urxencia e persoas anónimas que colaboraron no rescate dos accidentados no descarrilamento. En total, no documental participan 14 persoas que intentan esquecer e superar aquela data.  Moitos deles loitan día a día para que se esclarezan as causas do sinistro, e esixen unha investigación independente e responsabilidades políticas . Logo da proxección haberá unha mesa redonda coa participación do Coordinador da Plataforma Galega Salva o tren, Fernando Gómez e a voceira do colectivo, Lucía Latorre.  

Angrois no esquecemento
Trailer

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *