Hoxe é Mércores 2 de Decembro de 2020

Chapela acolle a XXVIII Bandeira Concello de Redondela

RR_Noticias

  Dende o club fan un chamamento aos seguidores a apoiar aos remeiros redondeláns que non están a vivir o seu mellor momento. Logo da renovación do equipo, son sétimos na clasificación xeral e a once xornadas para rematar a tempada márcanse como obxectivo a permanencia. Oito embarcacións daranse cita ás 12.00 horas do domingo no Paseo de Cardona, onde parten como favoritas as embarcacións de Meira e Amegrove

  O Club de Remo de Chapela organiza este domingo a XXVIII Bandeira Concello de Redondela correspondente á quinta xornada da Liga Galega de Traiñeiras A na que participarán oito embarcacións. Os chapeláns agardan acadar unha bo resultado na casa aínda que recoñecen que esta non está a ser a súa mellor tempada. Logo de renovar o equipo, están nun proceso de adaptación, segundo apunta o Presidente do Club, Julio Prado, o que fixo que se atopen por baixo na clasificación con respecto a anos anteriores, son penúltimos, con oito puntos. Malia todo, Prado lembra que aínda quedan once xornadas por diante e que os remeiros xa se están adaptando polo que confía en evitar o descenso e rematar de sextos na clasificación. Ás doce do mediodía sairán do paseo de Cardona as embarcacións de Amegrove, Mugardos, Ares, Samertolameu, Vilaxóna, A Cabana, Puebla e Chapela. Parten como favoritos os remeiros de Meira e Amegrove.  

Julio Prado Pte Remo Chapela
Recoñece que non están a vivir o mellor momento pero espera salvar a tempada
Concelleiro deportes Jesús Crespo
O edil anima aos veiños a apoiar a embarcación de Chapela para converterse nun remeiro máis

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *