Hoxe é Xoves 16 de Setembro de 2021

O Instituto de Chapela presenta un videoclip en lingua de signos premiado por Política Lingüística

RR_Noticias

O audiovisual proxéctase hoxe martes ás 20:30 horas no Multiusos O Piñeiral do Crego de Chapela. “Terra” é un videoclip en lingua de signos realizado pola comunidade educativa do IES de Chapela, en colaboración co IES Audiovisual de Vigo, no marco do proxecto Escoitando a Terra e seleccionado neste curso como “excelente” pola Secretaría Xeral de Política Lingüística.

Na gravación implicáronse máis de 250 persoas. Son alumnado, profesorado, persoal non docente, nais e pais que quixeron con este traballo apoiar os dereitos das persoas xordas e dar alento a unha lingua, a galega, que hoxe e no futuro precisa de nós.
O audiovisual conta con música do grupo galego Dakidarría, é o tema musical Terra é que lle dá nome, “un canto de amor a Galiza, ás súas aldeas, barrios, vilas e cidades, así como un chamamento a escoitar, aprender e compartir, lema principal da canción e leitmotiv da campaña de difusión de Terra”.
O grupo Dakidarría, asociacións de persoas xordas de Galicia e os protagonistas da gravación, estarán presentes hoxe na proxección do filme, por primeira vez en público, e na súa subida á rede, que terá lugar no acto de presentación. A partir desta data poderá visitarse na canle do EDLG do IES Chapela en Youtube.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *