Hoxe é Domingo 25 de Outubro de 2020

Arranxar as deficiencias na piscina de Chapela custará máis de 60.000 euros

RR_Noticias

O edil de medio Ambiente, Miguel Angel Álvarez Balleteros, recoñece que é necesario acometer unha serie de reformas na piscina de Chapela cando se vai cumprir un ano da súa apertura. As deficiencias detectadas afectan principalmente á caldeira de biomasa e na enerxía xeotérmica o que se traduce en que a auga non estea á temperatura axeitada para o confort do usuario. Tamén se producen fumes excesivos ao exterior. O edil fala “dun problema herdado do goberno bipartito”.

A solución pasa necesariamente por substituír a actual caldeira e introducir outras melloras como o desprazamentos da cheminea e o traslado da caldeira e un lugar máis axeitado. Así o explicaba Álvarez Ballesteros quen fala dunha piscina con importantes deficiencia que afectan principalmente á caldeira “que se atasca, provoca fume e chapapote”. Unha caldeira que foi introducida pola empresa construtora como unha mellora pero que non funciona como debería. Isto tradúcese en que a auga non estea á temperatura que debería para garantir o confort dos usuarios ademais de provocar malestar entre os veciños que teñen que soportar os seus fumes. O concelleiro de Medio Ambiente entende que solucionar estas deficiencia podería superar os 60.000 euros, unha cantidade que lle reclamarán posteriormente á empresa construtora para que non supoña un novo sobrecusto nunha infraestrutura efectuada con cargo ao Plan E e que superou os seis millóns de investimento.  

MIguel Alvarez Ballesteros edil de Medio Ambiente
Explica os problemas que presentan as instalacións de Chapela
Arranxo
A solución pasa por instalar dúas novas caldeiras
Problema herdado
Responsabiliza ao anterior grupo de goberno dos problemas actuais

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *