Hoxe é Domingo 13 de Xuño de 2021

O PP nega que exista escurantismo na tramitación do proxecto da senda do Maceiras

RR_Noticias

O Concelleiro de Medio ambiente, Miguel Angel Álvarez Ballesteros asegura que o motivo de non permitir que se fotocopie a documentación do proxecto é para evitar interferencias nas negociacións que se están a desenvolver cos veciños afectados por seren propietarios das leiras colindantes co río. Farán público o proxecto en canto rematen esas negociacións. A obra, cuxo custo ascende a 290.000 euros, podería comezar este verán.

As actuacións previstas no proxecto contemplan a construcción dun sendeiro de 1.800 metros de lonxitude ao longo do cal se construirán diferentes pontes e pasarelas e se colocaran paneis informativos coa descrición dos valores naturais e ecolóxicos da zona tratando de causar un mínimo impacto na zona. A actuación ascendería a 290.806 euros e está previsto, segundo explica o edil de medio Ambiente, que comece o verán. Con todo, previamente será necesario negociar cos propietarios das leiras colindantes co obxectivo de “facerlles entender que teñen que retirarse da zona de servidume de 5 metros á beira do río que nalgúns casos ocuparon de xeito irregular” Nega o edil que exista escurantismo neste proxecto, tal e como así denunciaron dende a Agrupación de Electores que días atrás criticaban que non se lles permitise sacar do concello a documentación existente en torno a este proxecto. Alvarez Ballesteros asegura que o motivo de non permitir aos grupos políticos que fagan fotocopias e saquen dita documentación das oficinas municipais e “para evitar que se monte un circo, porque queremos levar as negociacións con sentidiño e que todo esta pechado cos afectados antes de facelo público”. Iso sí, asegura o edil que unha vez finalizadas estas negociacións o proxecto será público.  

Miguel Angel Álvarez Ballesteros edil de Medio ambiente
Estima que as obras poderían comezar no verán
Negociacións
Estase a falar cos propietarios
Proxecto público
Farase público en canto rematen as negociacións

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *