Hoxe é Martes 27 de Outubro de 2020

Normalización organiza unha charla sobre mitoloxía e unha exposición sobre o cinema portugués

RR_Noticias

O profesor Manuel Gago será o encargado de impartir este martes 15 ás 20:00 horas na Casa da Cultura unha charla na que ofrecerá aos asistentes unha ollada á relixión e á mitoloxía da idade de Ferro en Gallaecia. Unha actividade organizada por Normalización Lingüística que ofrece tamén a posibilidade de coñecer a historia do cinema portugués a través dunha exposición do Instituto Camões que se pode visitar esta semana no Multiusos do Piñeiral do Crego.

Dúas actividades enmarcadas dentro da programación da VI Semana do libro, a festa das palabras que volve contar coa colaboración do Instituto Camões de Vigo. Nesta edición achegan a Redondela unha interesante exposición sobre a historia do cinema portugués. Un percorrido pola historia da longa e fulgurante viaxe do cinema portugués, narrada en fotos, carteis, artigos de revistas e demais iconografía, reproducidos a partir dos orixinais conservados no acervo da Cinemateca Portuguesa – Museu do Cinema. Toda esta documentación aparece acompañada por lendas explicativas que axudan a entender e contextualizar aquilo que se mostra. As distintas etapas percorridas polos creadores portugueses expóñense aquí para mostrar como se desenvolveu o proceso creativo do audiovisual no tempo, as dificultades e obstáculos desa historia e o resultado desas imaxes en movemento como resumo da propia historia. A presente exposición componse de 22 paneis expositivos que fan un percorrido histórico polo cinema portugués, e que nos vai servir tamén para achegármonos a un país veciño do que ás veces descoñecemos fitos fundamentais da súa historia e da súa cultura. A exposición permanecerá do 14 ao 22 de abril no multiusos do Piñeiral do Crego de Chapela, en horario de tarde, e do 24 ao 30 de abril no multiusos da Xunqueira, no horario habitual de apertura.    

Eva García Rei Normalización Lingüística
Fálanos da charla que terá lugar o martes na Casa da Cultura
Exposición de cine
O cine portugués protagoniza esta mostra que se poderá ver nos Multiusos

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *