Hoxe é Domingo 25 de Setembro de 2022
Stations
NOTHING FOUND!
Current listeners: 
Peak listeners: 

O Club de Remo de Chapela domina na XVIII Bandeira Concello de Redondela de bateis

RR_Noticias

Chapela e Náutico de Vigo, con dúas vitorias cada un, foron o sábado protagonistas da XVIII Bandeira Concello de Redondela de bateis. Os de Arealonga, campións en promesa e absoluto feminino, e os vigueses, en cadete masculino e xuvenil feminino, foron os únicos que repetiron triunfo no programa da regata celebrada fronte ao Paseo Cardona.

O Club de Remo de Chapela, anfitrión da proba, non defraudou. Cumpríronse os prognósticos e as categorías femininas foron as que dominaron. Os outros vencedores foron Robaleira en infantil masculino, Mecos en xuvenil masculino e Samertolaméu en absoluto masculino. O litoral de Chapela viviu unha xornada magnífica de remo, con moi bo ambiente e moito público malia o mal tempo. Un total de 80 embarcacións en todas as categorías demostraron o seu nivel e a competitividade de cara aos Campionatos Territoriais da próximo fin de semana en Meira, onde se clasificarán para o Campionato de Galicia a celebrar na Pobra do Caramiñal os días 19 e 20. Desta proba autonómica sairán os equipos que representarán a Galicia no Campionato de España de bateis que se celebrará en Camargo (Cantabria) os días 26 e 27 de abril. Onte as promesas femininas do Chapela conquistaron unha gran vitoria magnífica en dura competencia con Vilaxoán, sendo terceira Vila de Cangas. En xuvenil feminino as vencedoras foron as mozas do Náutico nun gran duelo con Tirán. En absoluto feminino as de Chapela non tiveron rival. Samertolaméu foi segundo e Vilaxoán, terceiro. Na categoría masculina novo triunfo en infantís de Robaleira con Náutico a un barco e Samertolaméu, terceiro. En cadetes foi o Náutico o campión, seguido de Mecos na xeral a só 14 centésimas e Tirán a dous segundos. Na categoría xuvenil a vitoria foi para Mecos con moita diferenza, seguido de Robaleira e Tirán. E en absolutos Samertolaméu foi o campión, tamén con notable diferenza sobre Mecos e Bueu.
Resultados: Promesa feminino: 1. Chapela, 4.42:81; 2. Vilaxoán, 4.44:41; 3. Vila Cangas, 4.49:16. Xuvenil feminino: 1. Náutico Vigo, 10.00:26; 2. Tirán, 10.01:89; 3. Tirán, 10.23:03. Absoluto feminino: 1. Chapela, 9.24:38; 2. Samertolaméu, 9.35:30; 3. Vilaxoán, 9.39:09. Infantil masculino: 1. Robaleira, 4.43:55; 2. Náutico Vigo, 4.46:09; 3. Samertolaméu, 4.57:85. Cadetes: 1. Náutico Vigo, 6.28:27; 2. Mecos, 6.28:41; 3. Tirán, 6.30:87. Xuvenís: 1. Mecos, 8.29:63; 2. Robaleira, 8.39:08; 3. Tirán, 8.45:72. Absoluto masculino: 1. Samertolaméu, 8.12:63; 2. Mecos, 8.30:24; 3. Bueu, 8.30:84.
 
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará