Hoxe é Mércores 20 de Xaneiro de 2021

Afectados pola AP-9 pendentes dunha nova reunión con Fomento

RR_Noticias

As obras de ampliación da autoestrada AP-9 por Chapela afectará a ducias de veciños aínda que polo de agora o Ministerio de Fomento tan só prevé a expropiación dunha única vivenda e do Colexio de Igrexa. Con todo, dende a Asociación lembran que hai 13 que quedarán a menos de 8 metros da vía, cuxos titulares terían que solicitar a expropiación voluntaria “o que suporá que se lles pague unha cantidade menor polas súas propiedades”.

O presidente da Asociación de Afectados, Rafael Baltasar, engade que serán ademais ducias as vivendas afectadas pola liña de servidume que se establece a 25 metros a cada lado do vial, unha afección que provocará unha devaluación de ditas propiedades. Por ese motivo, dende a Asociación piden que se chegue a un acordo entre Concello e Fomento para que no futuro Plan Xeral se estableza unha excepción en Chapela para que non se incremente a liña de afección. A Asociación reunirase cos responsables de Fomento despois de Semana Santa para coñecer xa os datos concretos do proxecto de ampliación. A continuación teñen previsto celebrar unha asemblea aberta a todos os veciños para informar e adoptar as medidas que consideren oportunas.  

Rafael Baltasar afectados pola Ap-9
Afeccións que afectan a moitas vivendas e ao colexio
Reunión con Fomento
Informarán aos veciños logo da reunión cos técnicos despois de Semana Santa

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *