Hoxe é Sábado 31 de Outubro de 2020

Os veciños poden facer as súas achegas aos mapas coa toponimia de Negros e Saxamonde

RR_Noticias

Ata o vindeiro 31 de xaneiro o Servizo de Normalización Lingüística mantén a exposición pública de mapas coa toponimia destas dúas parroquias co obxectivo de facilitar á veciñanza que poida comprobar se os nomes recollidos son correctos e se están ben localizados. Deste xeito a veciñanza poderá corrixir ou completar a información recollida, para o que se disporá tamén dun formulario onde rexistrar os comentarios e emendas.

O traballo de recollida da toponimia redondelá iniciouse en 2012 e froito dos traballos de campo realizados en ambas as dúas parroquias. Realizouse a recollida da microtoponimia e a súa xeorreferenciación e con esa información traspasáronse agora os datos aos mapas que están a ser expostos nos centros culturais de Chan das Pipas (en Saxamonde), e no Centro cultural e veciñal de Negros. O rexistro desta información é fundamental para evitar que se perda ese rico patrimonio, que nos transmite información da historia, dos usos e costumes, e dos lugares máis significativos de cada territorio, dende os nomes dos camiños e corredoiras, pasando polas terras de cultivo, o monte, os ríos e regatos, até construcións singulares e comunitarias como cruceiros, fontes ou lavadoiros.  

Eva García Rei Normalización Lingüística
Fálanos da exposición dos mapas toponímicos

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *