Hoxe é Sábado 28 de Novembro de 2020

Últimos días para participar no II premio de Poesía Manuel Lueiro Rey

RR_Noticias

O Concello de Fornelos de Montes e a Asociación de Veciños O Cruceiro da Laxe convoca a II edición deste premio co obxectivo de honrar a memoria do seu ilustre poeta e contribuír á promoción da poesía galega. O premio, cuxo prazo de presentación remata o 31 de decembro, está dotado con 2.500 euros.

Poden concorrer a este certame as persoas que o desexen cos seus poemas escritos en lingua galega. Os poemarios aspirantes ao premio serán de tema e forma libres cunha extensión mínima de 500 versos e máximo de 800. Para participar deberanse enviar 4 exemplares da obra mecanografados sen remite identificador ao enderezo: II premio de poesía Manuel Lueiro Rei Concello de Fornelos de Montes Praza da Igrexa, 1 36847 Fornelos de montes (Pontevedra) Esta é a segunda edición dun premio que naceu co obxectivo de situar tamén o Concello de Fornelos no mundo da cultura e que logrou ademais unha importante aceptación na súa primeira convocatoria con máis de 40 traballos presentados sendo gañadora a viguesa Silvia Penas. A dotación do premio será de 2.500 euros e o nome do gañador darase a coñecer o día 8 de marzo do vindeiro ano. A obra premiada publicarase dentro da colección de poesía Manuel Lueiro Rei da Editorial Sotelo Blanco. O prazo de presentación de obras remata o 31 de decembro.  

Carmen Carreiro Asociación O Cruceiro da Laxe
Unha iniciativa que nace para situar ao Concello no mundo da cultura
Premios
Ademais de 2.500 euros a ora premiada será publicada pola Editorial Sotelo Blanco

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *