Hoxe é Venres 26 de Febreiro de 2021

Un millón de euros para mellorar un tramo de estrada entre Os Valos e Guizán en Redondela

RR_Noticias

A actuación, consistente en anchear a calzada, construir beirarrúas e dotar de servizos á estrada do Galleiro, afectará a un treito de quilómetro e medio de lonxitude e de características urbanas, dado o número de vivendas en ambas marxes. O obxectivo da obra é mellorar a seguridade na zona.

A Xunta de Goberno da Deputación aprobou esta mañá a sinatura dun convenio co Concello de Redondela para o ensanche da estrada provincial Os Valos-Guizán, que conta cun orzamento total de 1.035.654,17 euros. Trátase dunha actuación que afectará a un treito de un quilómetro e medio, nunha zona practicamente urbana.
O obxectivo das obras e mellorar a seguridade viaria na zona, dado que na actualidade carece de beirarrúas e a estrada é demasiado estreita nalgunhas zonas, polo que supón un perigo para os peóns que camiñan pola beiravía.
Os traballos incluirán o ancheamento da calzada, a construción de beirarrúas e a dotación de servizos de recollida de augas pluviais, canalización do saneamento e do abastecemento de auga, así como doutros servizos como os de telecomunicacións ou subministro eléctrico.
Segundo se recolle no acordo, a Deputación de Pontevedra destinará 835.654,17 euros a estes traballos, mentres que e o concello de Redondela achegará os 200.000 euros restantes.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *