Hoxe é Xoves 29 de Outubro de 2020

O BNG cualifica de “hipocrisía” non considerar “prioritario” o patio cuberto do CEP Santa Mariña

RR_Noticias

O Grupo Municipal do BNG de Redondela considera que é unha hipocrisía política por parte da Consellería de Educación non considerar como “prioritario” a instalación dun patio cuberto no CEP Santa Mariña. Os nacionalistas lembran que se trata dunha vella demanda de toda a comunidade escolar deste centro.

O Bloque fai referencia á visita a Redondela do Xefe Provincial de Educación, César Pérez, que xunto co Secretario Xeral, Jesús Oitavén, presentou as obras de ampliación do CEIP Cedeira. Preguntado por esta Radio Municipal sobre a posibilidade de acometer tamén a construción do patio cuberto no colexio Santa Mariña, Pérez Ares afirmou que non se contempla. Explicou que debido á actual situación económica, a Xunta está a destinar os seus recursos a cuestións “estritamente necesarias” , e que a dotación do patio cuberto no colexio redondelán “non o é”. O BNG de Redondela denuncia que o goberno do PP si ten cartos para o ensino concertado, cunha achega de 240 millóns de euros, cunha partida de 3 millóns de euros a centros privados que segregan aos alumnos por sexos “mesmo incumprindo unha sentencia do Tribunal Superior de Galiza que declara ilegais estas subvencións”. O BNG entende que o investimento de 120.000 euros para o patio cuberto do CEP Santa Mariña si que é unha inversión “imprescindible, xa que serviría para protexer aos alumnos os días de chuvia, un fenómeno meteorolóxico habitual en Galicia, ” non en Andalucia, que é onde parece estar o señor César Pérez”.  

César Pérez Xefe Provincial de Educación
Pérez Ares xustifica que a Xunta non realice o patio cuberto por non ser unha obra prioritaria.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *