Hoxe é Domingo 25 de Outubro de 2020

Teatro, música e danza en solidariedade co Pobo Saharaui

RR_Noticias

O Multiusos da Xunqueira acolle o venres un festival que contará cun espectáculo de improvisación teatral a cargo de Escuadra 17, a música do grupo Black Notes e baile coa danza do ventre da academia Alchemy. Está organizado pola delegación de Redondela da ONG Solidariedade Galega co Pobo Saharaui, á que irán destinados todos os donativos que se recollan na gala.

O festival foi presentado no Concello por Carolina Alfaya, delegada da organización en Redondela, e a concelleira de Servizos Sociais, Teresa París. Alfaya explicou que a situación que viven actualmente os refuxiados é “insostible”, xa nos campamentos falta “de todo o imprescindible”, carecen de alimentos e de medicinas, e tan só poden dispoñer da escasa axuda que lles chega do exterior, e que cada vez é menor. O festival comezará ás 20.00 horas, e o prezo da entrada será un donativo voluntario. Entres os asistentes sortearanse diferentes agasallos, que foron cedidos por establecementos comerciais de Redondela. Ademais, co fin de sensibilizar á sociedade dos problemas do pobo saharaui, está previsto que se proxecten diferentes fotografías dos campamentos de refuxiados, o seu día a día, e os proxectos que a ONG leva a cabo na zona. Vacacións en Paz A concelleira Teresa París lembrou tamén que entre as campañas que organiza a ONG está o programa de Acollemento Familiar Temporal “Vacacións en Paz”, grazas ao cal nenos dos campamentos poden viaxar a Galicia e outros puntos de España para pasar os meses de xullo e agosto acollidos por familias. Deste xeito evitan sufrir as condicións “extremas” do clima africano neses meses de verán, onde as temperaturas chegan a superar os 50º. Desde a ONG lamentan que o número de familias de acollida diminuíu de xeito alarmante nos últimos anos, xa que se hai unha década eran ata 30 os nenos que pasaban o verán en Redondela con diferentes familias, neste ano só foron 3. Para o próximo ano 2014, polo de agora, só hai dúas familias. Os interesados poden poñerse en contacto coa ONG no teléfono 986.26.26.37, ou na páxina web www.sogaps.org.  

Carolina Alfaya delegada da ONG en Redondela
A asociación fai un chamamento á cidadanía para que colabore co pobo saharaui que se atopa nunha situación de extrema necesidade.
Teresa París concelleira de Servizos Sociais
A edil lembra o traballo que desenvolve a ONG ao longo do ano.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *