Baixo o título “O Modelo Cooperativo como empresa, outra forma de emprender” a docente Pilar Alves serán a encargada de impartir este obradoiro que terá lugar o día 22 de outubro en horario de mañá no Multiusos. A través deste taller preténdese dar a coñecer a cooperativa como unha alternativa válida e viable para o autoemprego en calquera sector.
Trátase dunha xornada formativa gratuíta e presencial que vai dirixida ao público en xeral pero que resultará de especial interese para persoas desempregadas, novos emprendedores, promotores de iniciativas de economía social e persoal das administracións públicas locais relacionados coas políticas de promoción económica e desenvolvemento local A Xornada que se celebrará o dia 22 de outubro no Edificio Multiusos da Xunqueira de Redondela, en horario de 10:30 a 14:00 horas, será impartida por Pilar Alves que forma parte do equipo docente da Federación de cooperativas de Sinerxia. Contarase tamén co relatorio dunha das socias fundadoras de Nornas S. Coop, o que permitirá coñecer de primeira man como desenvolver un proxecto baixo esta fórmula As persoas interesadas en participar deben enviar a súa solicitude ao enderezo ofi.cooperativismo@maiv.org ou chamar ao teléfono 986 42 33 66. A actividade está organizada pola Oficina de fomento cooperativo da Mancomunidade da Area Intermunicipal de Vigo co apoio da Dirección Xeral de Traballo.
Explica en que consiste a xornada
Os beneficios fan que os traballadores opten polas cooperativas como forma de autoemprego
