Hoxe é Mércores 25 de Novembro de 2020

A ampliación da ponte de Rande comezará en 2014

RR_Noticias

O presidente do grupo Itínere anunciou que a concesionaria da AP-9 prevé lograr financiamento para a obra de ampliación da Ponte de Rande entre finais de 2013 e principios de 2014, de modo que os traballos comezarían o ano que vén. O presidente do grupo cifrou nuns 300 millóns de euros o investimentos previsto na autoestrada.

Pedro Pérez subliñou que a tramitación do proxecto foi “lenta” pero que, xa no principio de ano, quedaron resoltos os principais problemas técnicos: as dúbidas sobre o impacto ambiental ou o funcionamento da infraestrutura mentres se executan os traballos. A empresa está pendente da autorización do CNMV, tras recibir o visto e prace das direccións xerais de Tesouro e Tributos, xa que a obra financiarase inicialmente coa emisión de obrigacións, sometidas a unha fiscalidade especial. O presidente do grupo facía fincapé en que este tipo de actuacións son “caras” e cifrou nuns 300 millóns de euros o investimento previsto en actuacións na AP-9. A partir de aí, iniciaríase a tramitación para sacar a obra a concurso público seguindo a normativa europea. Segundo Pedro Pérez, a ampliación da ponte de Rande, unha obra “que a concesionaria persegue desde hai tempo”, poderá iniciarse o ano próximo e será “unha obra espectacular de enxeñaría”, xa que se fará sen interromper o tráfico na ponte nin un só día.    

Pedro Pérez presidente de Itinere
Unha obra "espectacular"

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *