Hoxe é Xoves 22 de Outubro de 2020

O C.D. Choco busca un resultado positivo no campo do líder, o Cerceda

RR_Noticias

Este sábado o equipo redondelán mídese a un dos grandes da Terceira División, e confía en acadar un resultado positivo co que seguir na senda da permanencia. Ata o de agora o balance na nova categoría é positivo, suman 10 puntos en seis xornadas, nunha competición que está a ser “moi igualada e competitiva” segundo o seu adestrador, Jacobo Montes.

Logo da vitoria a domicilio no campo do Dorneda, o Choco acumula tres vitorias, un empate e dúas derrotas. Os números son bos e convidan ó optimismo, pero o técnico quere ser prudente. Montes lembra que a competición é moi longa e que precisan, cando menos, 45 puntos para salvar a categoría. Por iso pide calma e manter “os pés na terra” para seguir traballando na mesma liña “semana tras semana”. O técnico recoñece que o equipo se está a adaptar “rápido” á Terceira División, unha liga na que debutan os xogadores e o propio adestrador, e na que todo vai “moito máis rápido” que na Preferente. Na próxima xornada volven xogar fóra, e farano nun duelo de máxima esixencia na casa do líder, o Cerceda. Será o sábado, ás 18.30 horas. Un encontro “moi diferente” ao da pasada xornada en Cerceda, nun campo de herba natural, pero no que os de Montes non van renunciar “a nada”. Os resultados, polo de agora, están a acompañar, tanto nos partidos nos que son visitantes como nos locais. E iso malia que aínda non puideron xogar en Terceira División diante da súa afección en Santa Mariña. As obras de mellora do campo municipal obríganos a xogar como locais no Graciano Padín de Soutomaior. No club agardan que os traballos rematen “canto antes”, pero o técnico ve complicado que estean rematados para a próxima cita como locais, o 13 de outubro, diante do Vilalbés. Para o club redondelán o maior problema é organizar os adestramentos, tanto para o equipo de Terceira como para o filial e o resto de categorías inferiores. Por outra banda o feito de xogar como locais en Soutomaior tamén resta afluencia de público aos partidos, xa que entenden que cando poidan estrearse en Santa Mariña a presencia de seareiros será maior.  

Jacobo Montes adestrador
O técnico é prudente malia o bo inicio de liga e advirte que haberá que traballar duro para a permanencia.
Cerceda-Choco
O sábado enfróntanse a un dos rivais máis duros da categoría o actual líder.
Obras en Santa Mariña
Os traballos no campo municipal obríganos a xogar como locais en Soutomaior e crean moitos problemas para organizar os adestramentos.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *