Hoxe é Domingo 29 de Novembro de 2020

O Redondela F.S. busca situarse entre os mellores da Liga Autonómica

RR_Noticias

Os de Julio Mougán aspiran ao máis alto e o obxectivo é superar a 5ª posición acadada na pasada liga. E teñen motivos para seren ambiciosos: unha pretemporada na que se mediron a equipos de alto nivel e un comezo ligueiro cun empate diante do club máis goleador da pasada temporada. A próxima cita será tamén de máxima esixencia, na pista do Talleres ABC Vigo, os actuais campións.

Para o adestrador redondelán o conxunto vigués é o claro favorito para revalidar o título, pero advirte que o Redondela F.S. “non ten nada que perder” e que traballarán para poñerlles as cousas “o máis difíciles que sexa posible”. O equipo vén avalado polos excelentes resultados da pasada temporada, sobre todo na segunda volta, e unha “notable melloría” nos aspectos técnicos e tácticos, froito do traballo de adestramento “semana tras semana”. Deporte base Actualmente o Redondela F.S traballa intensamente coas categorías inferiores, xa que o deporte base é unha das maiores preocupacións do club. Contan cos equipos de Benxamíns A e B, Infantil, Alevín A e B, Cadetes e os Senior, en categoría Provincial e Autonómica. Grazas á liña de colaboración con Casa Paco están a fomentar este deporte base, e confían en que a curto prazo xa poidan ofrecer esta modalidade deportiva para todas as categorías. Actividades paralelas Lonxe de limitarse á práctica do fútbol sala, o club redondelán está a implicar á sociedade noutro tipo de actividades deportivas, culturais e lúdicas. Logo do campus polideportivo e o concurso de fotografía organizado este verán, agora veñen de presentar a súa nova páxina web www.redondelafs.com, na que ofrecen todo tipo de información sobre e o club e as actividades de todos os seus equipos. Tamén a través da web se pode participar nun concurso para poñer nome á mascota do club. Poden facelo ata o día 30 deste mes de setembro e gañar unha camiseta do Redondela F.S.  

Julio Mougán adestrador
O club pretende situarse entre os mellores da Liga Auonómica.
Talleres ABC Vigo-Redondela F.S.
O rival é o favorito para facerse co campionato pero os de Mougán tentarán poñerlle as cousas difíciles.
Ponlle nome á mascota
O club organiza novas actividades como un concurso para poñerlle nome á súa mascota.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *