Hoxe é Martes 28 de Setembro de 2021
History
Stations
NOTHING FOUND!

Un motorista de Redondela falece e outras dúas persoas resultan feridas nun accidente en Negros

RR_Noticias

Un mozo de 26 anos faleceu na noite do sábado e o seu acompañante resultou ferido grave nun accidente de tráfico no que a moto na que viaxaban chocou contra un turismo nunha curva da N-555, á altura de San Esteban de Negros (Redondela). No accidente tamén resultou ferido un home de 71 anos, veciño de Cabeiro, que conducía o coche.

A vítima mortal, F.J.M.F. , de 26 anos e veciño da avenida Mendiño, así como o seu amigo J.B.C., da mesma idade e veciño de Pazos de Borbén, viaxaban nunha moto que chocou cun Mercedes que circulaba en dirección contraria. A consecuencia do impacto o condutor da moto faleceu. O condutor do turismo, M.A.L, de 71 anos, e o mozo ferido foron evacuados ao Hospital Xeral. O sinistro de tráfico tivo lugar sobre as 20.53 horas do sábado, segundo os datos facilitados polo 061. Urxencias Sanitarias desprazou ao lugar do accidente unha ambulancia medicalizada, outra asistencial e persoal sanitario do Punto de Atención Continuada (PAC) de Redondela. A Garda Civil investiga cal dos dous vehículos invadiu o carril contrario. O mozo falecido será soterrado esta tarde no cemiterio municipal de Mañó, a onde será conducido desde o tanatorio ás 17.00 horas. Ás 18.30 celebraranse os funerais na igrexa parroquial de San Pedro de Cesantes.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *