Hoxe é Sábado 28 de Novembro de 2020

O concello suspende os actos culturais e festivos previstos ata o mércores en sinal de loito

RR_Noticias

Os voceiros dos grupos políticos con representación na corporación así o decidiron  nunha reunión celebrada na mañá de hoxe na que acordaron sumarse aos sete días de loito decretados polo Goberno Galego en sinal de homenaxe e lembranda ás vítimas e familiares do descarrilamento do tren Alvia o pasado mércores en Santiago. Na mañá de hoxe preto dun cento de veciños concentráronse ás portas do concello e protagonizaron uns sentidos minutos de silencio.

Na mesma hora na que se coñecían os últimos datos da Policía Científica que rebaixa a 78 o número de mortos no accidente de tren de Santiago, ao redor de 80 persoas se concentraban ás portas da Casa do Concello para amosar a súa solidariedade coas vítimas e os seus familiares. Unhas mostras de respeto que se repetiron en practicamente todos os edificios das Administraciósn en calquera punto da comunidade. Minutos antes, os voceiros dos grupos políticos acordaban asumir os sete dáis de loito decretados pola Xunta de Galicia. Un loito institucional que se traduce na cancelación das actividades culturais e festivas que estaban previstas de cara aos vindeiros días organizadas dende o Concello. Unha medida que afecta á proxección das curtametraxes Un café de ollos verdes e Memorias dun parado enmarcadas dentro do ciclo Cinema na rúa e previstas para o vindeiro martes. Posponse tamén o festival de música tradicional que ía ter lugar na praza da Casa da Torre o mércores 31 con actuacións a cargo da escola de música de San Vicente de Trasmañó, as pandeireteiras e os gaiteiros Terra Meiga de o Viso e o grupo Froles Mareliñas.  

Arturo González edil de Interior
O Concelleiro explicaba os acordos adoptados na reunión de voceiros

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *