Hoxe é Xoves 26 de Novembro de 2020

Redondela celebra o Día da Muiñeira

RR_Noticias

O Campo da feira acolle o mércores 3 ás 21:00 horas unha nova edición do Día da Muiñeira coa participación de seis grupos de baile tradicional: Airiños de San Simón de Cesantes, Anaquiños, Fonte d,Ouro e Froles Mareliñas de Chapela, O Carballo das cen pólas de Reboreda e o grupo Chan das Pipas de Saxamonde.

Unha actividade organizada pola Concellaría de Cultura de promoción da música e o baile tradicional máis representativo do noso folclore e onde ademais dos grupos de baile haberá actuación musical a cargo do Grupo de gaitas Aluarado de Vilar, que como vén sendo habitual nesta celebración, tocará as pezas que van bailar os diferentes grupos participantes.
Cultura anima a toda a veciñanza a que se achegue ao Campo da Feira para gozar desta manifestación cultural senlleira da nosa cultura popular e demostrar así o apoio aos grupos que manteñen viva a nosa cultura.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *