Hoxe é Venres 1 de Xullo de 2022
Stations
NOTHING FOUND!
Current listeners: 
Peak listeners: 

Visita ao xacemento arqueolóxico de Monte Penide

RR_Noticias

O domingo 16 dentro do curso “Persoas e territorio. Ferramentas para coñecer o noso medio”, organízase unha saída a Monte Penide coa finalidade de falar sobre o territorio, a memoria e os restos arqueolóxicos. Ao longo dun paseo de 2 horas e media os participantes observarán diferentes achádegos arqueolóxicos e aprenderán a ver no territorio os elementos que nos poden indicar a súa presenza. De forma paralela, introducirase a temática da memoria como elemento consubstancial ao territorio.

O obxectivo do curso que organiza o Centro Social a Miñoteria e imparte a Cooperativa Trespés é fornecer as persoas asistentes de instrumentos teórico-prácticos para interpretar o territorio. As sesións son eminentemente prácticas e inclúen a explicación in situ de diversas temáticas.
Nesta ocasión, a sesión con visita a Monte Penide está aberta a todo o público. Aquelas persoas que non estean matriculadas no curso deberán abonar 2 euros. A cita é o domingo 16 de xuño ás 10:00 diante do Cruceiro de Cedeira, preto do Colexio Público, para logo ir xuntos en coche ata o Monte Penide.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará