Hoxe é Venres 27 de Novembro de 2020

AER reúnese esta tarde co PSOE para coñecer a súa proposta

RR_Noticias

A Agrupación de Electores reúnese esta tarde ás 20:00 horas co PSOE co obxectivo de coñecer si os socialistas teñen intención de presentar unha moción de censura e un orzamento alternativo ao presentado polo populares. AER non ten aínda elaborado un documento de mínimos que recolla as súas demandas básicas para apoiar un novo goberno pero o edil da agrupación Alfonso Blanco “Pochi” insiste en que calquera acordo pasaría por asegurar unha maior transparencia e participacións nas cuestións municipais.

Precisamente a falta de transparencia nas contratacións ou o incumprimento no gasto de determinadas partidas son os argumentos que a Agrupación de Electores esgrimiu para retirar a confianza ao alcalde, Javier Bas e para non apoiar os orzamentos presentados polos populares. Agora amosan a súa disposición a “falar con todos” pero recoñecen que chegar a un acordo que se concrete nunha moción de censura “é moi difícil” sobre todo tendo en conta que “tanto PSOE como BNG tamén se opuxeron a moitas das nosas propostas ao longo destes dous anos de mandato”. De feito, entenden que “o órdago” do alcalde ao presentar a cuestión de confianza responde precisamente a que “nas filas do PP dan por feito que non se producirá ningún acordo de gobernabilidade entre os grupos da oposición”. Con todo Pochi insiste “hoxe por hoxe a moeda pode caer de calquera lado”.. Alfonso Blanco é dende o pasado xoves o novo concelleiro de AER logo de que tal e como estaba previsto, Jorge Varela “Chopi” deixara o cargo. Unha agrupación que foi chave de goberno hai dous anos e que volve atoparse nunha situación semellante a día de hoxe. Un papel clave na gobernabilidade local que contan con non repetir de cara ao futuro xa que a súa intención inicial era participar da política tan só estes catro anos e non volver presentarse. Con todo, nin confirman nin desminten porque tamén o seu futuro está no aire como o goberno local.  

Alfonso Blanco Pochi AER
Abren a porta ás negociacións
Difícil negociación
Entenden que o alcalde partía desa premisa cando presenttou a cuestión de confianza
Futuro de AER
Jorge Varela Chopi lembra que a súa intención era manterse tan só un mandato

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *