Hoxe é Venres 22 de Xaneiro de 2021

Redondela acolle un sector da fase de ascenso a Primeira Nacional coa SAR como anfitrioa

RR_Noticias

A SAR Plastic Omnium pelexará por unha praza na Primeira Nacional xunto a Luanco (Asturias), Arroyo (Castela-León) e Melilla. Os partidos disputaranse os días 10, 11 e 12 de maio na Bomboneira, que será o escenario dunha gran festa do balonmán cando se conmemora o 50º aniversario da SAR.

Os rivais para o conxunto redondelán non son fáciles. Os pupilos de Diego Lorenzo deberán enfrontarse ao primeiro clasificado de Asturias (H. Estación Luanco), ao primeiro clasificado de Castela-León (Arroyo) e ao Melilla. O adestrador amósase satisfeito coa situación, xa que malia recoñecer que se trata de rivais moi duros, a SAR “parte coa vantaxe de xogar na casa” e contar co apoio da súa afección. O resto de sectores pola fase de ascenso a Primeira Nacional xóganse en Santoña (Cantabria), Biscaia, Barcelona, Cidade Real e Córdoba. Os primeiros de cada grupo acadan o ascenso directo, e os catro mellores segundos xogarán unha segunda fase na que se clasificarán dous equipos máis.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *