Hoxe é Venres 27 de Novembro de 2020

A corporación apoiará as mobilizacións dos traballadores de Pescanova

RR_Noticias

De xeito unánime todos os grupos presentes na corporación municipal amosaron o seu apoio a unha moción do BNG e se comprometeron a apoiar as mobilizacións que os traballadores da empresa con sede en Chapela acorden levar a cabo en defensa dos seus postos de traballo. Malia chegarse a un acordo unánime o debate non estivo exento de polémica ao rexeitar os nacionalistas un terceiro punto que na moción querían introducir os populares.

Goberno e oposición instarán conxuntamente á Xunta que poña en marcha medidas que sirvan para manter a galeguidade de empresa e apoiarán aquelas mobilizacións que convoquen os traballadores en defensa do seu emprego. Dende o Bloque lembraban na súa exposición de motivos que Pescanova é unha empresa punteira que atravesa unha grave situación que pon en perigo os postos de traballo de máis de 1.000 persoas en Galicia e  8.000 en todo o mundo aos que habería que engadir os máis de 5.000 postos de traballo indirecto no noso país. Facía fincapé a nacionalistas Cecilia Pérez Orge no feito de que esta empresa ten recibido en múltiples ocasións axudas públicas do goberno galego desde que en 1995 se lle inxectaran 42 millóns de euros para evitar a súa compra por parte de Unilever e lembraba que o seu desmantelamento suporía un grave problemas para o noso concello e para Galicia. Dende o PSOE amosaban tamén o seu apoio á proposta e reclamaban responsabilidades sobre as axudas públicas que esta e outras empresas teñen recibido por parte da administracións. Malia chegarse a un acordo unánime o debate non estivo exento de polémica ao rexeitar os nacionalistas un terceiro punto que na moción querían introducir os populares. A emenda do PP solicitaba que se instase á Xunta a que se manteña a sede de Pescanova en Redondela. Unha emenda que o BNG rexeitaba por entender que esa cuestión non está sobre a mesa neste momento.  

Cecilia Pérez Orge BNG
O BNG teme polos postos de traballo de Peescanova
Luis Orge PSOE
Os socialistas reclaman resposiblidades sobre as axudas públicas concedidas
MIguel Angel Alvarez Ballesteros PP
Os populares propuñan un terceiro punto sobre a necesidade de instar á permanencia de Pescanova en Redondela
Debate PP-BNG
Os dous partidos non chegaban a un acordo

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *