Hoxe é Xoves 7 de Xullo de 2022
Stations
NOTHING FOUND!
Current listeners: 
Peak listeners: 

Políticos e afectados estudan na Subdelegación do goberno a ampliación da AP-9

RR_Noticias

O subdelegado do Goberno en Pontevedra, Antonio Coello e o xefe de Demarcación de Estradas do Estado en Galicia, Ángel González del Río reuniranse ás 12:00 horas de hoxe con representantes da corporación local e a asociación de afectados para analizar polo miúdo o proxecto de ampliación da AP-9, un proxecto rexeitado no noso concello tamén pola Asociación de Empresarios, cuxo presidente asistirá a esta xuntanza.

Entre os membros da Asociación de afectados de Chapela que acudirán a esta reunión atópase Rafael Baltasar que insiste en que a día de hoxe o proxecto de ampliación afectaría á totalidade do trazado da AP-9 dende o Morrazo a Vigo, malia que o PP teña aprobado no Parlamento galego solicitar que dita ampliación afecte só á Ponte “para minimizar os seus prexuizos na parroquia redondelá”.
Unha proposta que non convence aos afectados que rexeitan a ampliación na totalidade do trazado “por ser un malgasto de cartos e porque non solucionaría os problemas de tráfico”. Ademais os veciños de Chapela son conscientes de que ampliar Rande abre a porta a que no futuro se faga o terceiro carril por Chapela.
No mesmo sentido se veñen de manifestar os enxeñeiros galegos que alertan de que ampliar so a ponte de Rande sen facelo en Chapela lonxe de mellorar a circulación entorpecería o tráfico e provocaría un efecto similar ao dun funil na entrada a Vigo.
A solución para os enxeñeiro en último caso sería construír ese terceiro carril en todo o trazado, mentres que dende Chapela insisten en que non se debería facer ningunha ampliación.
Con todo, os enxeñeiros tamén abogan por dar prioridade a un tren de proximidade en lugar de ampliar Rande como xeito de facilitar as comunicacións, rentabilizando así as infraeestruturas xa existentes.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará