Hoxe é Martes 28 de Setembro de 2021
History
Stations
NOTHING FOUND!

Detido un home en Redondela por estafar 17.400 euros a unha muller mediante unha débeda falsa

RR_Noticias

A Garda Civil de Fornelos de Montes detivo en Redondela a un veciño de Soutomaior acusado de estafar 17.400 a unha muller á que fixo crer que o Concello de Pazos de Borbén debíalle abonar 352.000 euros.

P.C.C., de 40 anos e veciño de Soutomaior presentou á vítima unha sentenza falsificada do Tribunal Superior de Xustiza de Galicia, segundo a cal se condenaba supostamente ao Concello a indemnizala con esa cantidade de diñeiro, por uns terreos obtidos nun preito. O estafador convenceu á muller para que lle fose entregando sucesivas cantidades de diñeiro para facerlle fronte a supostos gastos de xestión na tramitación do cobro da indemnización. A muller denunciou finalmente a manobra en setembro, o que deu lugar á investigación e a detención posterior do home, acusado de estafa e falsidade documental, que foi posto a disposición do Xulgado de Instrución número 2 de Redondela, que o deixou en liberdade con cargos. A investigación continúa aberta, polo que desde o instituto armado non se descarta a posibilidade de imputarlle máis delitos desta mesma índole.
Un motorista ferido nun accidente en Chapela
O condutor dun ciclomotor resultou ferido onte logo de colidir contra un coche en Chapela. O accidente produciuse ás 02.45 horas, na avenida de Vigo, á altura da zona das Catro Pontes. O motorista tivo que ser evacuado por unha ambulancia a un centro hospitalario vigués. No operativo interviñeron Policía Local e Protección Civil, para as tarefas de limpeza da estrada.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *