Hoxe é Domingo 17 de Xaneiro de 2021

FCC rehabilitará o viaduto de Redondela cun orzamento que se reduce de 5,6 millóns ata os 3,8

RR_Noticias

 
A empresa FCC Construción adxudicouse as obras para a súa rehabilitación, ao presentar a oferta “máis vantaxosa” segundo publica o Boletín Oficial do Estado. As obras saíron a concurso orzadas en 5,59 millóns, e a adxudicataria reduciu a cantidade en case dous millóns de euros. Isto supón tamén que o Concello ingresará menos cartos do previsto pola licencia.

O Concello cobra en concepto de imposto sobre construcións un 4% do orzamento da actuación, que neste caso se reduciu de xeito notable. O goberno local calculaba uns ingresos pola licenza de 240.000 euros. O feito de que FCC reducira notablemente a cantidade supón que o Concello só poderá recibir uns 152.000 euros. As obras en cuestión son para rehabilitar o antigo viaduto de Madrid, unha infraestrutura de 441 metros de lonxitude, construída no século XIX, que se sostén sobre alicerces de pedra e que está considerada Ben de Interese Cultural. Polo seu estado de deterioro leva tres anos tapado cunha malla de protección. A Dirección Xeral de Patrimonio do Estado aprobou as obras de rehabilitación por mor dos desprendementos de pezas metálicas que se produciron sobre a vía pública.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *